Quen somos

Que é a Fundación?

Fundación Formavigo é unha entidade sen ánimo de lucro, que nace para desenvolver iniciativas de inserción laboral, en cooperación coa Administración Pública e a Empresa Privada para dar apoio ás necesidades dos e as demandantes de emprego que se atopan en especial dificultade.

Tecemos redes e realizamos proxectos sociais que poidan contribuír a unha sociedade máis forte, cohesionada e solidaria con especial interese na calidade de vida dos nosos maiores e a nosa mocidade.

Misión, visión e valores

Misión

Mellorar o acceso ao mercado laboral das persoas con especial dificultade e contribuír a mellorar o diálogo social en todos os seus ámbitos, outorgando especial relevancia á situación de acceso da muller ao mercado laboral.

Visión

Traballamos coas persoas para potenciar as súas capacidades e habilidades e ofrecerlles ferramentas para a súa mellora profesional.

Promovemos a formación de persoas en risco de exclusión social para lograr a inserción laboral.

Actuamos cun enfoque positivo e valorativo das persoas, onde traballamos para reducir as barreiras de xénero no sector industrial.

Cremos que o traballo en rede e colaboración con outras empresas, entidades sociais ou administracións públicas é a mellor forma para crecer e avanzar como sociedade.

A través do noso traballo aspiramos a contribuír a unha sociedade máis cohesionada, forte e solidaria, un motor de cambio da sociedade na que vivimos e reducir a desigualdade na sociedade.